Woordeboek van Afrikaans Vandag

Bygewerk op 20 Junie 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

hoofstroom

♦ s.nw. | hoofstrome |
1 van ’n rivier
2 (figuurlik) belangrikste of leidende deel van, of belangrikste beweging of rigting in ’n kuns, wetenskap of dergelike: › Die huidige struktuur belemmer groei en ontwikkeling en veroorsaak ’n stadige pas van werkskepping. Dit lei daartoe dat baie mense hulle buite die hoofstroom van die ekonomie bevind (Marietjie Gericke, Netwerk24, 11 Februarie 2022). › Thomas Deacon, S.J. Pretorius en ook Hans du Plessis het gesorg dat Griekwa-Afrikaans deel word van die hoofstroom van ons letterkunde (Laetitia Pople, Netwerk24, 24 Januarie 2022).
◌ ENGELS: mainstream

♦ b.nw. [slegs predikatief] (figuurlik, informeel, weinig gebruiklik) wat tot die hoofstroom behoort: › Haat of omarm dit, tatoes is hoofstroom (Sarie, Februarie 2016). › Meditasie is nie meer eksklusief en esoteries nie, dit is hoofstroom (Idees, April 2016). › Daar is ’n paar versagtende omstandighede vir die vrot uitslae: Leerlinge mag net een keer per fase druip, en daar is nie meer spesiale klasse vir leergestremdes nie, want almal is hoofstroom (Die Burger, 20 Oktober 2005). › Jeugkultuur is nie meer “ondermynend” nie; dit is hoofstroom en weerspieël die houding, oortuigings en passie van die nuwe volwasse plaaslike mark (Die Burger, 10 Mei 2005).

samestelling(s):
hoofstroombank
hoofstroombelangstelling
hoofstroombesigheid
hoofstroombier
hoofstroomekonomie
hoofstroomfliek
hoofstroommark
hoofstroommedia
hoofstroomonderwys
hoofstroompolitiek
hoofstroomproduk
hoofstroomskool

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Artikels, rubrieke en ander bydraes van 2025

● Bolmakiesie van woke (LitNet)

● Apeneutjies en katjiebotter vir die slimjanne (Netwerk24)

● Gril jy jou ook dood vir ’n klamhandjie? (Netwerk24)

● Sal jy die toets kan slaag om te wys jy is mens? (Netwerk24)

● Alle konings is kêrels, maar nie alle kêrels konings nie (Netwerk24)

● Dalk is die pyn in jou hande whatsappitis (Netwerk24)

● As jy meer van jou hond hou as van mense (Netwerk24)

● Verwaand is nou verwant aan waansin (Netwerk24)

● Japie my skapie moet dalk liefs ’n kraak maak (Netwerk24)

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.