Woordeboek van Afrikaans Vandag

Bygewerk op 20 Junie 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

geopolitiek

♦ s.nw. [geen meervoud] (studie van) idees en aktiwiteite wat verband hou met hoe lande se geografiese ligging hulle politieke ontwikkeling en verhouding met ander lande beïnvloed: › Duidelik is die president en die ANC baie versigtig om weer in die loopgraaf van die geopolitiek te beland soos met die onbeholpe hantering van die oorlog in Oekraïne die geval was (Piet Croucamp, Vrye Weekblad, 20 Oktober 2023). › Dis waar dat pres. Donald Trump deel van die verantwoordelikheid moet dra, gesien sy handelsoorloë met China. Hy kyk hoofsaaklik soos ’n sakeman na twee kolomme – geldelike wins en verlies – en hou nie voldoende rekening met sake soos geopolitiek nie (Leopold Scholtz, Netwerk24, 18 Augustus 2020).
◌ ENGELS: geopolitics

♦ b.nw. | geopolitieke | Ook geopolities | geopolitiese |
Van of met betrekking tot geopolitiek: › Ons as gewone wêreldburgers wat nie godsdienstige of ideologiese oogklappe aan het nie en die geopolitieke rolspelers se agendas raaksien, moet help om die internasionale diskoers te verander en medemenslikheid, reg en regverdigheid weer boaan die agenda plaas (Max du Preez, Vrye Weekblad, 14 Mei 2021). › Die konflik vererger ook die huidige geopolitieke dinamika van die streek, met Turkye en Rusland wat hul spiere bult. Rusland ondersteun Armenië reeds dekades lank. Daarenteen handhaaf ’n toenemende selfversekerde Turkye noue bande met die oorwegend Moslemse Azerbeidjan, ’n volk verwant aan die Turke (Jo-Ansie van Wyk, Netwerk24, 14 November 2020).
◌ ENGELS: geopolitical

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Artikels, rubrieke en ander bydraes van 2025

● Bolmakiesie van woke (LitNet)

● Apeneutjies en katjiebotter vir die slimjanne (Netwerk24)

● Gril jy jou ook dood vir ’n klamhandjie? (Netwerk24)

● Sal jy die toets kan slaag om te wys jy is mens? (Netwerk24)

● Alle konings is kêrels, maar nie alle kêrels konings nie (Netwerk24)

● Dalk is die pyn in jou hande whatsappitis (Netwerk24)

● As jy meer van jou hond hou as van mense (Netwerk24)

● Verwaand is nou verwant aan waansin (Netwerk24)

● Japie my skapie moet dalk liefs ’n kraak maak (Netwerk24)

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.